A Chenealochía

A chenealochía ye o estudeo y seguimiento de l’aszendenzia y/u deszendenzia d’una presona u familia. Ye una branca ausiliar de la istoria y premite estudiar l’orichen y a istoria d’as familias y apellius. Á o decumento que rechistra dito estudeo tamién se le dize chenealochía u árbol chenealochico.

Pero a chenealochía no se reduze á replegar nombres u calendatas d’os nuestros debanpasaus. Se busca conoxer antimás a soziedat en que bibioron, o espazio en que abitoron, as bezisituz que abioron de pasar.

Toz os debanpasaus son importans en ista rechira, dende as presonas d’o pueblo baixo dica os que tenión un papel destacau en a soziedat, pues cadaguno d’ellos estió una armiella insustituyible d’a nuestra cadena familiar y confeguroron o que somos enguán.